O Ilustre Colexio Oficial de Graduados Sociais de Pontevedra participou na cerimonia de Graduación das dúas últimas promocións de Grao en RR.LL. e RR. HH. da Facultade de Ciencias Xurídicas e do Traballo da Universidade de Vigo. Desenvolveuse ao aire libre no campo de herba artificial do campus para a promoción que remata este ano e tamén para a que rematou os seus estudos o curso pasado e que non puido celebrar este acto por mor da pandemia do covid-19. Acudiu en representación do Colexio Dª. Remedios Copa Sánchez, Vicepresidenta 2ª e D. Raúl E. Gómez Villaverde, Presidente; que interveu no acto académico facendo chegar a súa felicitación ás novas incorporacións á profesión, desexándolles o maior dos éxitos no seu futuro profesional. Nesta ocasión, Dª. Rosa Rodríguez Martín-Retortillo, profesora da Área de Dereito do Traballo e da Seguridade Social do Departamento de Dereito Público Especial da Universidade de Vigo, foi a Madriña das promocións