Vigo, 27 e 28 de febreiro de 2024.-O Colexio participa na Feira de EMPREGOinCAMPUS 2024 na Facultade de Ciencias Económicas e Empresariais no Campus de Vigo cun corner informativo.

O evento, que pon en contacto aos universitarios e as empresas, coincide por primeira vez en tempo e lugar con Fundamental: Foro de Talento, promovido pola Fundación Mentor, dúas iniciativas que unen forzas co obxectivo común de facilitarlle a empregabilidade ao estudantado.

A inauguración da feira estivo presidida polo reitor, Manuel Reigosa, acompañado por Natalia Caparrini, vicerreitora de Estudantado e Empregabilidade; Andrés Fernández, presidente da Fundación Mentor; así como, Dolores Garza, decana da Facultade de Ciencias Económicas e Empresariais; Alfonso García-Ciaño, en representación da Fundación Banco Sabadell; Alexandre Pérez Boubeta, director de Recursos Humanos da Fundación Profand, e Teresa González Ventín, coordinadora do Eures Transfroteirizo Galicia Norte de Portugal.