O día 10 de outubro de 2023 tivo lugar a III Xornada Laboralista en Pontevedra, organizada polo Colexio de Graduados Sociais de Pontevedra, a Fundación Xustiza Social coa colaboración da Facultade de Ciencias Xurídicas e do Traballo da Universidade de Vigo.

Foi unha xornada dirixida a Graduados/as Sociais e estudantes de Grao en Relacións Laborais e Recursos Humanos e tamén a outros colectivos entre os que destacamos responsables de Recursos Humanos, Mutuas, Sindicatos e outros traballadores dos despachos de colexiados/as Graduados Sociais.

A III Xornada Laboralista desenvolveuse no Salón de Graos da Facultade de Ciencias Xurídicas e do Traballo na que actuou como moderador Pedro Antonio Pérez Santiago, Director Adxunto do Diario de Pontevedra e un elenco de relatores de alto nivel en cada un dos temas da Xornada. María Gema Quintero Lima, Profesora Titular da Universidade Carlos III de Madrid, foi a encargada de iniciar esta III Xornada Laboralista, coa impartición da conferencia sobre “As normas de dereito transitorio e a aplicación práctica das reformas de seguridade social”

O programa deseñado tamén contou co relatorio da “A cualificación do despedimento en IT. Influencia da Lei 15/2022” impartida por Concepción Esther Morais Vállez, Maxistrada da Sala do social do Tribunal Superior de Xustiza de Madrid, seguida con gran interese polos asistentes xa que se trata dun tema de moita actualidade.

Outro relatorio que espertou gran interese foi a exposición realizada por Germán María Serrano Espinosa, Maxistrado Decano dos Xulgados de Vigo, que falo sobre os “Problemática actual na contratación de fixos descontinuos”

A mesa do acto inaugural estivo integrada por Noemi Xordo Herrero, Secretaria do colexio de Graduados Sociais de Pontevedra e José Tronchoni Albert, Director Xeral de Xustiza da Xunta de Galicia.

A Clausura destes actos correu a cargo de Raúl Eugenio Gómez Villaverde, Presidente Colexio Oficial de Graduados Sociais de Pontevedra; Susana Soneira Lema, Vicepresidenta 2º Consello Xeral Colexios Oficiais Graduados Sociais de España; Francisco José Torres Pérez, Decano Facultade Ciencias Xurídicas e do Traballo; Elena Mancha Montero de Espinosa, Directora Xeral de Relacións Laborais da Xunta de Galicia e Jaime Aneiros Pereira, Área de Goberno de Orzamentos e Facenda. Concello de Vigo.