O pasado 20 de maio de 2026 tivo lugar unha reunión entre representantes dos Colexios Oficiais de Graduados Sociais de Galicia e a Consellería de Emprego, Comercio e Emigración da Xunta de Galicia, co fin de abordar a situación do absentismo laboral derivado de procesos de incapacidade temporal.

Durante o encontro, a Xunta expuxo as principais liñas de actuación que está a impulsar nesta materia, centradas na mellora da xestión administrativa e sanitaria das baixas, o reforzo da inspección sanitaria, a coordinación coas mutuas colaboradoras e o impulso de medidas preventivas no ámbito laboral, todo iso con respecto pleno aos dereitos das persoas traballadoras.

Por parte dos Colexios trasladáronse diversas consideracións e propostas relacionadas coa necesidade de garantir a seguridade xurídica, mellorar a coordinación entre organismos implicados e abordar esta materia desde unha perspectiva equilibrada e garantista.

Así mesmo, púxose en valor o papel dos graduados e das graduadas sociais como profesionais con coñecemento directo da xestión práctica dos procesos de incapacidade temporal e das relacións laborais.