XORNADA INFORMATIVA EN LIÑA: CESAMENTO DE ACTIVIDADE DO AUTONOMO

O Colexio celebrou esta xornada organizada en colaboración con FREMAP, Mutua de Accidentes de Traballo e Enfermidades Profesionais da Seguridade Social N° 61, dedicada a analizar a prestación por cesamento de actividade para traballadores autónomos.

Durante a sesión, as persoas asistentes puideron coñecer en profundidade os aspectos máis relevantes desta prestación, abordando cuestións crave como: os requisitos de acceso, os diferentes supostos que permiten a súa solicitude, casos prácticos habituais, así como o cálculo da contía, a duración da prestación e outros aspectos de interese para o colectivo autónomo.

A xornada permitiu resolver dúbidas e ofrecer información actualizada sobre un dos principais mecanismos de protección social dispoñibles para os profesionais por conta propia, contribuíndo a reforzar o seu coñecemento e seguridade ante posibles situacións de cesamento de actividade.

A apertura estivo a cargo de Noemi Xordo Herrero, Secretaria do Colexio, e Carlos Llanos Santos, Director rexional de Fremap, quen deu a benvida ás persoas participantes e presentaron a relatoras : Julia Martínez Álvarez e David García Saiz, especialistas da área de cesamento de actividade e coidado de menores de Fremap