COMUNICADO:

Compartimos os argumentos vertidos no abertamente comentado escrito de comparecencia ante o Supremo dunha das nosas graduadas sociais colexiadas, tendo en conta que tivemos acceso ao mesmo.

Cabe lembrar que o novo deste asunto é que é a primeira ocasión en que un graduado social solicita ao Supremo asumir a representación procesual e a defensa do seu cliente, expondo, con carácter subsidiario, téñase por acudido a un compañeiro avogado, co fin de non deixar en situación de indefensión ao seu cliente.

Fundamenta a petición, principalmente, en que o artigo 21.1 da Lei Reguladora da Xurisdición Social, que nos impide, como graduados sociais, defender ao cliente nas actuacións procesuais ante o Tribunal Supremo, vulnera o principio de igualdade recollido no artigo 14 da Constitución española e o dereito á defensa do justiciable do artigo 24 do mesmo texto legal, ao privar, formalmente, que quen ten máis e mellor coñecemento do caso e a quen elixiu libremente o seu cliente, poida seguir representando e defendendo os seus intereses na última fase de recurso.

A pesar da equiparación que existe en canto a formación, coñecementos e nivel de titulación entre o traballo que efectúan os graduados sociais e os avogados na xurisdición social, existiu unha histórica enquistada discriminación en canto ás atribucións das leis procesuais. Discriminación que non ten xustificación algunha na realidade social actual, tendo en conta que, tras a implantación do plan de estudos Bolonia, o nivel educativo de Grao en Relacións Laborais e Recursos Humanos e o Grao en Dereito equipásense. Facendo especial fincapé nos graduados sociais non temos a necesidade de superar Máster nin exame de acceso para poder exercer ante xulgados e tribunais.

Concluímos coincidindo en que non hai ningunha circunstancia que xustifique o porqué un graduado social pode defender todo un procedemento laboral nas súas distintas fases e, a efectos de Recurso de Casación ante o Tribunal Supremo, teña que utilizar o nome dun compañeiro que asine os escritos que, en realidade, vai seguir redactando; como pasaba co Recurso de Suplicación ata a modificación da Lei.

Por todo iso, mantemos que é necesaria unha pronta reforma da Lei para acabar con esta inxustificada discriminación, que afecta á dignidade da nosa profesión.

Asdo.: Raúl Eugenio Gómez Villaverde

Presidente